SAYAPAKUY MAYKAMAPAS
Ñawpay
Ñawpay kusikuypa chawpin ñawpakama
Adelanta, ve
(hasta el origen mismo)
Ñawpay
Ñawpay pacha paqariy kanchaypa maman yayan tutakama
Yayan tutam willkanchikpaq kanchaypunchaw pachapas samasqalla suyariwasunchis
Ñawpay willkaykiypa kuraq awikuykiypa arwi-chaqusqa yuyaynintakama
Willkaykiypa yupinpi sayapakuy
Wayrata chutaykachaspa kallpachakuy rikraykipi taytaykipa yuyaynin pawaykachanankama
Asllam ninankama waranqa waranqantin sisitaña waqaykachakuspapas qayllasninta runapa yupillanpi sayarichimuy
Asllan ninankama llapan wayrapa tunqurinta kipuykuspa warmaykipa rikranpi qaparkachachimuy kunununuyta-panrayta llallinankama
Kutipayay ñawpa taytamamaykiypa tusuykachanan taki hampikuyninman
Ñawpay
Ñawpay kusikuypa chawpi rurun ñawpakama
Ñawpay
Ñawpay pacha paqariy kanchaypa maman yayan tutakama
Enviado desde mi iPhone
