WAYNA PIKCHU. Ugo Carrillo

Allinmi, Iphoninchampi waykichik Ug Carrillo harawiykunata waqtachakasqa!

WAYNA PIKCHU

Ñawpay
Ñawpay kusikuypa chawpin ñawpakama
Kusikuyta yarqachikuy

Adelanta, ve
[hasta el origen mismo]

Ñawpay aquchinchayta qatirikuspapas
Ñawpay pacha paqariy kanchaypa maman yayan tutakama

Ichachus munaspaqa kutiriy taytay ñawpaman
achachi-apucha machulaypa yuyayninman
haku yupintakama puririchiway

Huk yayan tutam willkanchikpaq [kanchaypunchaw pachapas]
samasqalla suyariwasunchis

Sisipa purikunan kinrayninta suchukachaspañapas haku
kikinchik kayninchikwan tusuykunanchiskama

Ñawpay ususi ñuñu paqwa willkaykiypa kuraq machulaykiypawan arwi-chaqusqa yuyaynintakama

Hawa chupullu willkaykiypa yupinpi sayapakuy wiñaykama
allin sumaq kawsaypaq kallpata awaysimusun

Apulliq wayrata chutaykachaspañapas kallpachakuy rikraykipi taytaykipa yuyaynin pawaykachanankama

Asllam ninankama waranqa waranqantin sisitaña waqarikuspaykiypas
qayllasninta runapa yupillanpi sayarichimuy

Asllan ninankama apullikuq wayrapa tunqurinta kipuykuspa warmaykipa rikranpi qaparkachachimuy kunununuyta-panrayta atiypaspa llallinankama

Kutipayay ñawpa apuski taytamamaykiypa tusuykachanan taki hampikuyninman

Ñawpay
Ñawpay kusikuypa chawpi rurun ñawpakama
Kusikuyta yarqachikuy

Ñawpay aquchinchaymanta hapipakuspaykiypas
Ñawpay pacha paqariy kanchaypa maman yayan tutakama

Imapas imallataqma
mana imam aswanqa

Enviado desde mi iPhone