Manam imanarunpaschu. Fredy Amilcar Roncalla

Este breve relato ha sido publicado como “Nothing Happened” en  la revista  “And Then” de NY, como “No paso Nada” en Hawansuyo y en  su version quechua como “Manam Imanarunpaschu” en la  revista Dialogos de DePaul University, gracias a la invitacion de Juan Guillermo Sanchez. Acaba de ser leido  en el IV Encuentro Intercultural de Literaturas Amerindias en La Paz, con la conviccion de que el futuro de la literatura quechua esta tambien en la narrativa diasporica. Gracias waykis. Copio la version entregada a la revista.

 

Luego de reflexionar, acaso abusando los plazos de la invitación de la Revista Diálogos, en torno a los “cinco puntos cardinales de la literatura indígena contemporánea”, y entendiendo esos puntos como espacios discursivos, hago entrega de un breve relato en quechua donde se cuenta la visita de dos poetas beatniks al Perú. De cómo el poetaportada hombre deja huellas mitologizantes en la literatura peruana subsiguiente, mientras que de Janinne Pommy Vega se habla y se conoce poco, pese a haber sido viuda de un peruano y vivir un año de reclusión en Taquile. Y que al final no pasó nada extraordinario el día que conocí a Allen Ginsberg en Mosoq York. Este relato fue inicialmente escrito en ingles, luego traducido al español. Esta versión quechua por el autor se presenta a la revista con la convicción de que el más importante horizonte creativo de la literatura en lenguas indígenas es el espacio urbano y postmoderno. Ha llegado el momento de trascender la alteridad, y dejar de vernos a nosotros mismos como minusválidos creativos y estéticos, siempre necesitando la traducción cultural del otro y hacia el otro. Somos creadores y no mercancías cognitivas. Siguiendo la pautas de las revistas Atuqpa Chupan, Kallpa y de Pablo Landeo, este relato se publica en quechua sin las versiones en ingles o en español. (Fredy Roncalla)

 

 

 

 

Manan imanarunpaschu

 

Fredy Roncalla

Hawansuyo

 

Manamiki taytachakunaqa ni hanaq pachapi, ni Saint Marks Placepi, ni Lower East Sidepi, ni kaypipas waqpipas rumbachata kusikusqankurayku tusukurqankuchu.

 

Ñam Harlempi unaychaña tiyachkarqani, huq cine /sine/ willanakuytapas, mayqinpipas huq iskay hamutayta qispichistin. Chikachallatam, mana munasqay hina. LLaqtapi guerramantaqa achka notisikunata, tukuy imaymana chanin mana chanin postmoderno hamutaykunata liyispataq tumpachallata poesiyata waqtarqani. Killan killan ni huq bersuchallatapas qillqarqanichu.

 

Chay pachataq Village Voiceqa miski liyina, sunqu kumuykachaq kasqa. Huq kuti poesía maratón Saint Marks Churchipi kanqa ninku.

 

Hikutaylla rirqani. Chaypim achkallaña poetakuna qillqasqankuta liyiykachasqaku. Chawallam inglisniy kachkaptin man nisyutachu intidirqani. Pero huq runachataq miskita tukuy sunqunwan chika poemachata liyirqa, huqnin poetataq huq uptonwanman riq runamanta rimarirqa, imas sapa iskinapi pasasqanmanta willaykuspa.

 

Hinaspañataq samaykunku. Chaymi huq mana chuqchayoq wirasapa runacha muchilantin qispirimun. “Hi Allen”nispa muchanakustin napaykunku huq qariwan. Ratuchalla iskay kinsa runawan rimarispa ripukuntaq.

 

Kaqmanta achka horastaraq poesiyankunata liyirqaku hasta uptown runaqa haku wasiyman nisqankama. Chayqa Tompkins Squarellapi karqa. Wasi hinacha chay fiestaqa sumaq traguchayuq, takichayuq, nicotinachayuq, rimanakuychayuqchiki kanqa nispa nirqani. Pero manan chaynachu qayma fiestaqa kasqa. Rimaylla rimarqaku llapan poetakunaqa, negociante hinalla. Bohemio kawsay Manhatanpi kaptinqa maypiraq karqa.

 

Kinsa tawa punchawmanta chay fiestapi riqsisqay hippie poetawan piknikta ruwarqaniku. Houston streetmanta hasta Battery Parkman omnibusta ichirqaniku. Maman allinchu chay fiesta karqa niptiy payqa tumpachata kusichiwarqa. Ñam allinlla kakuchkaptiy huq Peruman riq qullana beatink poetamanta willarqani. Imayna Limapi huq machu poetawan huñunakusqankumanta, haykayna Cuscoman, montañaman Ayawaska maskaq risqanmanta.

 

Hinaspam, unaymantaña, huqnin beatnick poetataq Woodstockpi riqsirqani peruana amigayrayku. Peruman rinay yachachkaptin huq manuscritutam qumuwarqa Limapi poesía editurman qunaypaq. Payqa peruanu pintor Fernando Vegapa viudam karqa. Awaq runakuna, Titikaka quchapa chawpinpi kaq Takilipi sapachallam huq wata yachasqapas. Chay kikin Tikiqaqa quchamanta qaparispas Inkakuna hasta Kuskukama riqkus riki. Chay raykuchá kastillanupi libruchanta qillqarqa. Mayqin kuchupiraq wasiy ukupi chay librucha kapuwachkan.
“Allinmi” editurchaqa nin, pero manataq imapas qispichirqachu. Unaymantaña paymanta South Jerseypi tiyaq amiguy Rogerwan rimarini. Ñam Jannie Pommy Vega chayraq wañukusqanmanta yachanallaypaq. Allin beatnickpas , feministapas, Peru llaqtachispi sunquyuq poetam payqa kara. Tukuy sunquwan Takilimanta, prefecturapa qayllampi tiyaq ayllunkunamanta, Upstate karsilkunapi poesiyata prisukunawan ruwasqan rimasqanmanta yuyarichkaniraq. Hanaq pachapi allinlla kachun.

 

Perupiqa manam pipas paymanta rimanchu.

 

Pero chay Saint Marks Poetry Marathon wirasapa poetamantaqa anchatam rimaylla rimanku. Ñachus waranqa watañan kaptinpas paymantaqa qillqachkankuraq rimachkankuraq ima.

 

Warmiqa Jersey Citymanta, qaritaq Newarkmanta.

 

Kearnypi tiyapakuq Perumanta kani.

 

Manam imanarunpaschu Allen Ginsbergta riqsisqay punchaw. Nitaq karma bluespas nitaq cosmic highchu. Chay poetakunaqa qillqasqankuta liyiylla liyichkarqaku.

 

Qepa watapitaq chay kikin Saint Marks Churchpi panakankunawan Lower East side Inkaqa Inti Raymita ruwanku. Huq sunqulla chiki chay Inkakunaqa chay beatnik poetakunawan kachanku.

 

Imaynaraq chayqa, mamallay mama.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s