Tayta ciprianumanta. Hugo Carrillo

Tayta ciprianumanta

Tayta yaya curas, huamangapi misakusqa.
Huamanguino kasqanpis warmi gustu tayta ciprianuchaqa, sapa punchaw, taytay, larga vistanwan turri pataman wicharquspan, warmita atuqllaña qawarayan.
Aswanña dumingu punchawqa warmita yarqarquspas, misa tukuytaqa, pawayllaña, chay ustiankunatapas kaypi chaypi aypurukuspan, yutukunatapas llallispa, paawan taytay campanariyuman.
Turri pata, campanariyumantas gamullaña, witqintapas pichapakuspa watiqan warmikunata, sullkachakuna llulluchallanta, payataqa aswan chiqnikunsi.
Chaynas, turri pataman wicharquspa kukurayan, yanqaña kumuykachan, warmiqa, rikurimunchu.
Warminayayninqa aqallintapas tipichkanña, warmiqa, mana kanchu.
Wañunayachkaptinñas, plaza pataman qispiykaramun munjitacha, mamallay, chayta qawarispas Cipriano yayaqa, yutuchakuruspan pawaykunpuni alpisti mikuq tumpalla.
Manaraqpas munjitacha musyakuchkaptinsi yayaqa ña ichirquspa, sutanantapas wischupakuspas, qullpuyta qallarin munjitachata, fustannintapas kachupakuspas tipirirqapun…
Munjitachataq mana imanakuyta atillaspan, qichqanparaq, uraysinqanpa, ankallispan, chilliku atakallanwan qaytaq tukullan, yayata, hinaspas yayata riqsirquspan mañakullan, ~taytay, apu yaya, kundinakunchu, nispa.
Suyaykuyraq, tayta ubispu, tayta cura…
Supichakusaqraq, supinayaymi hapillawachkan, suyaykuy, suyakuy, supichakuykusaq, mana chayqa… ¡munjitachatam supirqachini!, nispam rimakuwankiman pinqaypaq…

 

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s