Pacha wañuymanta kwintucha. Hugo Carillo (Adelaida y Dona felipa 5)

Kaychata uyarispansi apo Waman Pomapas akis noqapas Felipapa aqa wasinman riyman, awir Adelaidachawanpas, qanra Wamkarwanpas tupayman; awir imayna kunan punchaw llapan layqa tayta kurakuna runata nakarichikchanku nispa nisqa.

POMA0626

Pacha wañuymanta kwintucha

(Tayta Juan Pedro Kimichupa qillqasqan)

…Chaynas Muyuypanpapi.

Runa parla tinkuchiypi rabyanta quchpachispa asnu wataytaña qallaripuran taita Yayala curachata wischupunankupaq.

~Chayqa waqram… chayqa warmita muskiruspanqa manañam qunqanmanchu, llulluchallanta, payachata, qusayuqta icha soltera muyukuqtapas winku ñawillañam kuchitapas llallirispa, qara butasninwan tankaykuspa quchpayta munan pacha, ~nispas willanakunku Muyuypanpapi. ~Ariya, chay Huambarkunapa Adelaydachan warmiwan tiyakuspapas manaña saksaq, mana wanaq machu kuchi waqra sapa yaya, nispas altarerupas willakun.

Warmi qari llaqta runakunapa willanakusqanta musyapakuspas, tayta curachaqa wichay pulpituman lluqarquspa tuqay hunta rabyanta maqchirin tukuypanpa wanwa tiyananpi.

~Uyarillawaychik hucha sapa haqarway runakuna; hankunapas bayonetayuq kukurayaq anqelkuna, ~nispas qayaykachakuyta tuqyarichin ahinata: ~An, ñuqa yayaykichikmanta, kikin taytachapa ministrunmanta, machula San Franciscopa qatiqninmanta anyasqankichik. Upa tukuq sacristanwanpas willanakusqankichik yana almakuna. Chayqa huchapa mamanmi, pecado mortal, wañuy hucha.

~Ay, ananallaw, nispam yurariwankichik wanwa umakuna. An pacha wañuy fin del mundo muyurimuyta qallariptinmi chayraq, ari uyarisqaykichik hina, chayraqmi chuyanawayta mana atispa waqaykachankichik.

Pacha wañuy fin del mundo qusñiriptinmi, uma muyuykichikpas aqtuywan tupanakunqa, hinaptinmi… kayta uyariychik…

Ay demoniowan uywanakuqkuna; atakaykichikmi rawrayta qallarinqa imaymanapas kañakunqa hinaptin. Wira ataykichikmantan anti uchu rawray mastarikunqa ñutquykichikpas chicharrunankama. Ay,chayraqmi chuyay sunqu ripukunayta qawarinkichik.

Ari llapallan kuchi uma. Pacha wañunan punchawmi, suma-sumaqta puka pachawan pachapakuspay, qara butaswan butaschasqa, ¡yana mulachaywan ichikuykusqa pawarisaq! Ispiritu santo palomacha hinam rikra raprayta kicharispa sumaqchata pawakusaq, wichay hanaq pachaman chimpasaq. ¿Qankunarí?

Ay, qankunam sutanaymanta, mulachaypa chupanmanta ima qapipakuspaykichik ñutikichikpas kipuykusqa waqaykachankichik kaynata: Ñuqaykutawan aysallawaiku yaya!, ama hina kaychu angil wawa, ñuqaykutawan apakuwayku ~nispa, witqi ñawi mallqu pichiwsa hina qawaykachakunkichik… Ñuqata, ñuqachata nisparaq butasniytapas muchapayankichik, hinaptinmi, ispiritu santo palumachapi ichikuykusqa kunkayta kutirichimuspay, wañuy nanaq despresyuywan; ~llapan aka tanqakuna, kunanñataq ñutquykichik tasnuyta qallariptin, taytayku hatun yaya nispa llaqwapayawankichik. Uchitiyta pukuychik merdas nispaymi taytachapa alta grasyanman pawakuykusaq…

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s