Justicia mañakuymanta (Adelaida y Dona Felipa 7). Hugo Carrillo

Chaysi nan chay Huambarqa juizna kasqa. Foto de la portada; Hugo Carrillo visitando, con su familia, a  Don Edilfredo Flores Leiva, hijo de Juan Jose Flores. Autor de Huambar Poeastro Acacau Tinaja.

Justicia mañakuymanta

Tayta Rodrigo Arroyo Yancepa willakusqan,

Tayta Juan Pedro Sebastianpa qillqan

Imaymanapas wayratawan, allqutawan, kikillanpa llantuntawan anyaspas hatun kankaray warmi qispíykaramun Tayta Huambar alcaldepa qayllanman.

—Rabyaymi tiquwachkan Tayta Alcalde, —nispas rimapayan— piytaq yanapawanman mana qan uyariwaptiykiyri. Mana justiciawankichu hinaptinqa kiykillaykimanmi kakallirusqayki haqarway runapa  huchantapas —nisparaqsi yapapaykunpas.

—Chaynatañari, imananmi señoracha, uyariytaqa uyarisqaykiymá… —ahinatas tapukullantaq Alcalde kamachikupas.

—Kay huchasapa kuchi machu, kay yanqapaqpas vale menos upa tukuq, waqra Yayalapa qatiqnin sacristán alhaja; chaypaq graciayuq kasqa. Kay raka sapa warmiwan aysanakusqa raqay ukuman. Chayqa kuchi kurralmantapuni turaykunawan qayllaykiyman aysachimuni justiciawanaykiypaq awir…

—Mama Juana Paula, amaya pantayman yaykusunchu, ñuqaqa alcaldem kani, manam juezchu. Chaytaqa chaninchanqa tayta juez primera instanciam, paychiki hucha mana hucha kasqantapas rumana balanzapi justicianqa, hinaspa carcelpipas icha sacristiyapipas tiyachinqa.

—Amañaya rabyayta qilla kaynikiywan aswantaraq puchqurachiychu tayta Huambar, amaya qutuwaychu, mana piyniyuq warmichallam niwankiychu; yachakunaykiypaq ñuqallayqa bandawan tusuqni kani manam wakcha vigulinwanchu. Yachanki hinapas, kay kusimarkapiqa manataq winku ñawi juezpas tarikunchu. Sacristiyataraq qayllaypiypuni munachiwankiypas waqra Yaya sayapakunanpaq, Justiciawaypuni kay supayqarakunamanta…

—Kukurayanraq kuchi. Yaw alluquti, kaynaña arpa chanka tinkuq muqupa chupinchu miskisuranki —nispas uma qaramanta chutaspa mama Juana Paulaqa kikinpa walinta qullukuykuspa ispananta muskichispan tapuykachan ahinata —kay ñuqapa imaypas manachu miski, kay huknin payapa kisilluman asnaq chupinchu miskisuranki —nispas qusanpa iskay kimsa chukchachantapas tipirqapun, hinaspa yantawan wasapikama wikupispas qatirikun—; kunanmi ichaqa wanaqpaq, ayayanaykiykama, ñawikiypas pawanankama allin-allin qapaq uchuwan saumasqata chupiytapas muskichisqayki —nispas qaparkachastin qipanta pawan taytay…

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s