PUKLLAYSIKI CHINOCHA. Reyna Esther Aguilar Quispe

Reyna Esther Aguilar Quispe comparte su relato “Puqllaysiki Chinocha” que  por su agilidad se entronca con el ciclo del Atoq e incluso de su lejano abuelo Huambar,  que van de des-aventura a des-aventura llevando la imaginacion del ahora lector por situaciones nuevas y comicas, narradas con un lenguaje intimista, que es asegurado por la economia y la precision de los sufijos. Reyna ha logrado un estilo y un tema que esperamos se muestre en nuevos episodios y aventuras de Puqllaysiki Chinocha, que es un personaje perfecto. Debido a que la reciente narrativa no esta ligada al peso retorico de la cancion, el modernismo popular y el testimonio, el floreciente presente y futuro de la literatura escrita esta en la narrativa y en ese puqio florido que han sido los programs de educacion bilingue. Esto se ve claramente en la narrativa de Reyna Esther Aguilar, Gloria Caceres, Pablo Landeo, Junior Nunez Lefoncio, Macedonio Villafan y Socrates Zusunaga, por ejemplo. Reyna es tambien un excelente fotografa, y melomana, con una propuesta visual y educativa que vale la pena seguir en el FB. Gracias Reyna. Chay chinochakunaqa Reynapa foto tomasqanmi.

PUKLLAYSIKI CHINOKUNA

Warmaqa manas riyta munasqachu chita michiq, chaysi wasipi qipakusqa hukninpiwan. Chayna kachkaptinkus hukninqa nin: “Chino qakuchik hawapi pukllakamusunchik, ¿arí?, mana mamallanchik kachkanankama”. Pukllaytas qallaykunku Jimmichaqa Chinochantinwan kuchipa wasichanta fosforowan kañasqa wañuchispa. Chayna pukllachkaptinkus qanrakunataqa nina llallirparusqa. Wasinkuñataqsi kasqa rumiwan pirqasqa, qanayninpamanñataq chukllacha hina kasqa. Chaytas ninaqa ripurqun astawanña chakiy chakiy kaptin, manas ima rurayta atinkuchu. Waqankuñas, wapuchatas ninañataq hanaysusuman qatarikurun, yakupas chay punchawqa mana qamusqachu.

Jimmichapas kasqa mamilukuchan ancha chanikusqan, chaytas warmaqa maskayta qallaykunku, manas tarinkuchu, wasiñataq kañaykukuchkan, hinatas chaqwakustin nina hawayuq maskanku mamilukutaqa. Mana tarispañas vivuman mankakunata ventananta chuqamunku, sawnatapas hukllatañas aysamunku.

Wiqi ñawi qawachkaptinkus wasiqa kañakuyta tukupan, yana kaspikunallañas sayarikuchkasqa. Warmakunaqa rimanakuytas qallarinku “imatam yaw Chinocha rurasunchik”. Chinochaqa nin “mana pipas musyanawanchikpaq qakuchik huknin wawqinchikman, uwiqa michisqanman”.

Huknin wawqinpas sutin kasqa Richard, paywansi tapurunku, “¿Chayllaraqchu hamuchkankichik?, imatam rurarankichik tukuy punchaw?” Upallallas chayaruspa sayanku, manas sunqunkuwan atinkuchu, “ripukusunchik” nispankus rimanakunku. Chaysi mana musyayllata pasakusqaku.

Mama Tomasañataqsi Chupas qatuyman pasakusqa, chayaykamuptinsi wasiqa yanallañas suyachkasqa, tukuy ima rantipakusqanta chuqaspas utqayllamanña pawanakun, ninaqa manas imatapas puchusqachu. Chaysi mama Tomasaqa waqayllañas waqan. Unay waqapakuspa tiyasqanmanta tiyanpa wasinmansi risqa “Tiyay wasiytam nina ruparusqa, Chinocha Jimmichallaytam wasipiqa saqirqani, pukllaspachiki qanrakunaqa kañarurqaku, asutirapullaway amahina kaspayki tiyallay”.

“Supay warmaqa chaykunataqa ruranqa, ¿maypiyá kachkanku?”. Richarpas chita michisqanmantaqa chayaramunña. “¿Maymá Chinokunaqa?” nispas mama Tomasaqa tapun, “waqtaypim kachkarqaku, chaymantam qunqayllata chinkaruwan”, nispas kutichin Richarqa.

Intipas siqaykunñas, warmakunañataq manas rikurimunkuchu. Hukninkunas maskayta qallarinku. Chinokunañataqsi huk payachapa chukllanpi uyarayasqaku. “¡Chinooo, Jimmii maypim kankichik!, qaparispas maskanku. Mana rikurimuptinkuñas llullallawan qayasqaku, hinachkaptinsi chuklla ukumanta lluqsiramunku. Wasinpiñas tiyaqa tapun “¿Imatataq wasiykichikta rurarunkichik?”, warmakunaqa manas imatapas rimarinkuchu, “kunanmi wasi kañasqaykichikmanta waqtasaykichik” nin tiyaqa. Chaypis warmakunataqa qunquraykachispa tiya vaca qaranmanta asutiwan asutin, hinaspas costalpi sara iskusqata panpaman talliruspa nisqa, “paqarin achikiyayllatam utusqanta akllaspaykichik machu costalman kay sarata uqarimunkichik”.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s