Tres poemas de Isaac Soto Gamarra

Isaac Soto Gamarra, nació en la ciudad  Inca del Cusco a dos cuadras del que fue el Koricancha . Templo principal  del Tawantinsuyo .Cursó sus estudios primarios y secundarios en el Colegio Inca Garcilaso de la Vega y sus estudios universitarios en la Universidad San Antonio Abad del Cusco estudiando la Carrera de Ciencias de la Comunicación  . Escribe poesía en QUECHUA , y Castellano . Actualmente pertenece al grupo literario Nokanchis Kanchu del distrito de San Juan de Lurigancho.Sus poemas lo difunde en el canal YouTube Samincha  

URPITUCHAY

Muyuspa muyuspa
Hanaq pachata tapurikuykuspa Maskhaykamurirayki

Raphaykunata phalachispa Wayrata k’utuykuspa Tariparusaq nispa Ayparusaq nispa Maskhayakamurayki

Kunan chhaynata Wañuywan aysarichikurani Sonquy phatarisqa Raphraykuna p’akirisqa

Kunan chutalayakushani Phuruykuna wishñirisqa Chhuruypas ch’eqtarisqa

Ay yanallay yana!! Ay urpillay urpi!!.

Autor: Isaac Soto Gamarra

KIKUYUHINA

Kikuyuhina ukhu sonqoykipi mirarisaq Chay chawpi ukhuchallaykipi mat’ikusayki Mana yachakusqayki hinalla
Mana qasukusqayki hinalla Hap’iparirikusayki
Manañan kacharisaykichu
Manañan saqeyparisaykichu Manapuniñan!
Cheqnirukuqtiykipas Millarirukuwaqtiykipas
Manañan
Lloqsirirusaqñachu,
Manañan!
Ayqerirukusaqñachu

Imayman panpakunapi kikuyu mirarin Millachasqa
Imaynan manayupa qorahina cheqnirisqa Masth’arikun

Cheynata sonqoyki perqakunapi wichapakusaq chaynata sirk’ayki yawar hina phawarisaq

Kikuyu hina wit’usqapas
Mirarillan
Qhorosqa p’atakiskapas phutirillan Ñoqa chayñallata sonqochaykipi

Mirarisaq
Phutirisaq
Sonqoypa ruruchallay Ñawipa t’ikachallay.

Autor: Isaac Soto Gamarra

HATARIKUSUN LLANKARISUN LLANKARISUN

Waykey panay Hoqmanta HATARISUN Yapamanta riqch’arisun

Amaña puñusunchu Amaña waqasunchu

Ñan pisqa pachaq wataña
Wañuy puñuywan aysachikushianchis

Ñataq mayukunapas
Qochakunapas
Yawar waqaywan phoqchirikushianña

Wayna sipaskuna Hatariychis
Sayariychis
Qankunawan hoqmanta Lliphllirinqa
Tawantisuyo Qankunawan yapamanta K’ancharinqa

Allin kawsay Qoriqollqe hinaraq

Makinchiswan Chakinchiswan QHAPAQ ñanta Kutirichisun

Sumaq t’iqakuna wakllinanpaq Anchay PARAKAY Sara Phutirinanpaq
Ch’uya unuwan qarparisqa Allin sonquwan mirarisqa Mama pachata saminchaspa Inti Taytata yupaychaspa

Wayqey panay
Sayarichisun
Isqay kinsa saqsaywamanta Tawa pisqa Machupiqchuta Hanaq pacha much’ayunampaq Apukuna kusirikunanpaq

Llaqtamasillay Wasimasillay
Umanchista hoqarisun Nunanchista kallpachisun Kutimuchun munay kawsay Kallarichun mosoq kawsay

Kusqa puralla

Puririsun Huk yuyaylla Atipakusun.

Runa masiykuna Hoqmanta rumikunata Puririchisun Yapamanta qaqakunata Tanqarisun Tawantinsuyuta Qespirichisun
Qhapaq ñanta Paqarichisun.
Maki makilla
Uma umalla.

Hoqmanta k’ancharichisun Qorikanchata
Lluy teqsimuyupi lliphllirinanpaq Yapamanta hatarichisun
Qory qoyllor llaqtakunata
Tawa suyukunapi
Runakunaq Musphachakunanpaq

Haylli ! Haylli !

Autor: Isaac Soto Gamarra

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Google photo

Estás comentando usando tu cuenta de Google. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s